တောသူတောင်သား သာမန်ကလေးငယ်တစ်ဦး သူ့ ရည်မှန်းချက်အတိုင်း ကျောင်းဆရာဖြစ်အောင် ကျားကုတ်ကျားခဲ ကြိုးစားခဲ့ရပုံ၊ ကြိုးစားသည့် အလျောက် ထူးချွန်ဆုများ ရခဲ့ပြီး ဆရာအတတ်သင်ဝင်ခွင့်နှင့် သင်တန်းကျောင်းတွင် ထိပ်ဆုံးအဆင့်ရခဲ့ပုံ၊ ထူးချွန် ကျောင်းဆရာအဖြစ် နှစ်သက်ရာ မြို့ရွာပင် ရွေးချယ်ခွင့်ရခဲ့သော်လည်း မိမိဇာတိရွာတွင် ငယ်ဆရာ နှင့်အတူ နိုင်ငံ့အကျိုး၊ ရပ်ရွာအကျိုး ဆောင်ရွက်သွားပုံကို ချစ်ခင်ဖွယ်တောရွာဓလေ့များနှင့်အတူ ဝတ္ထုဇာတ်လမ်းတစ်ပုဒ်အဖြစ် ရေးသားထားခြင်း ဖြစ်သည်။ စာရေးသူသည် ဤစာအုပ်ဖြင့် ၂၀၂၁ ခု နှစ်၊ စာပေဗိမာန်စာမူဆု လူငယ်စာပေ ဒုတိယဆုကို ဆွတ်ခူးနိုင်ခဲ့သည်။