Kilalanin si Unay, isang batang babae mula sa pangkat ng Hanunuo Mangyan. Labing-isang taong gulang si Unay nang ipakasal ang kaniyang ate sa isang lalaking hindi nito kilala. Matagal nang tradisyon ito ng kanilang tribu, ngunit ngayon pa lamang nauunawaan ni Unay kung ano nga ba ang kahulugan nito para sa kaniya. Kung siya na ang susunod na ikakasal sa kanilang pamilya, pipiliin din kaya ni Unay ang parehong landas o pipilitin ba niyang maging malaya tulad ng tamaraw na hindi nagpapaubaya?