ဝေါမြို့နယ် မြစ်ကျိုးတိုက်နယ်ဆေးရုံတွင် တိုက်နယ်ဆရာဝန်အဖြစ် လေးနှစ်ခန့် တာဝန်ထမ်းဆောင်ခဲ့သူ စာရေးသူက သူတာဝန်ထမ်းဆောင်စဉ်ကာလ ကြုံတွေ့ရသည့် အတွေ့အကြုံများ၊ ရင်ဆိုင်ဖြေရှင်းခဲ့ရသည့် ပြဿနာအခက်အခဲများကို ပြန်လည်မျှဝေရေးသားထား ခြင်း ဖြစ်သည်။ လမ်းပန်းဆက်သွယ်ရေး ခက်ခဲပြီး ရိုးသားအေးဆေးသော ကျေးလက်ပြည်သူများ အသက်မွေးဝမ်းကြောင်းပြုရာ သီးခြားကမ္ဘာငယ်လိုဖြစ်နေသည့် တိုက်နယ်ဒေသရောက် ဆရာဝန် များ၏ ခက်ခဲကြမ်းတမ်းသော ဘဝ၊ ကျေးလက်နေပြည်သူများ၏ ရိုးရှင်းသော နေ့စဉ်ဘဝဖြတ်သန်း မှု၊ များပြားလှသော လိုအပ်ချက်များကြား မိမိတာဝန်ကို မည်သို့ ကျေပွန်စွာ ထမ်းဆောင်ကြရပုံကို စာအုပ်မှတဆင့် လေ့လာသိရှိနိုင်ကြမည် ဖြစ်သည်။