ရှုမဝရုပ်စုံ၊ သဘင်မဂ္ဂဇင်း၊ လူထုဂျာနယ်၊ မန္တလေးတက္ကသိုလ်နှစ်လည်စာစောင်၊ စာပေလုပ်သားမဂ္ဂဇင်း၊ မဟေသီမဂ္ဂဇင်း၊ ဓနမဂ္ဂဇင်းနှင့် လုပ်သားပြည်သူ့နေ့စဉ် သတင်းစာတို့တွင် လူထုဒေါ်အမာ ရေးသားခဲ့သည့် သဘင်သုခုမဆိုင်ရာ ဆောင်းပါးများ စုစည်းမှု စာအုပ်ဖြစ်သည်။ မန္တလေးက သုခုမဆိုင်ရာ ပညာရှင်ကြီးများထံ သွားရောက်မေးမြန်းခြင်း၊ ပင့်ဖိတ်နာကြာခြင်း၊ သုခုမ ဆိုင်ရာ ရှေးဟောင်းစာပေ မှတ်သားချက်များ၊ ရှေးဟောင်း ဇာတ်ထုပ်သီချင်းဓာတ်ပြားများ နားဆင် လေ့လာချက်များ၊ သဘင်ပညာရှင်ကြီးများထံ ချဉ်းကပ်မေးမြန်းချက်များကို အခြေပြု၍ ရေးသား ထားသော ဆောင်းပါးများ ဖြစ်ကြသည်။