မကောင်းဆိုးဝါး စုန်းကဝေ တစ္ဆေ မြေဖုတ်ဘီလူး အစရှိသည်တို့ကို နှိမ်နှင်းတိုက်ခိုက် ပေးတတ်ပြီး တရုတ်ပြည်၏ ပင်လယ်, တောင်တန်း, ချိုင့်ဝှမ်း, လွင်ပြင် အရပ်ရှစ်ခွင်လုံးကို အကာအကွယ်ပြုကာစောင့်ရှောက်နေလျက်ရှိသည်ဟု တရုတ်ပြည်က လူကြီး, လူငယ် အရွယ်သုံး ပါးအကြား အစဉ်အလာယုံကြည်ကိုးကွယ်မှု အမှတ်သညာထဲမှာ နှစ်ပေါင်း ရာ, ထောင်ချီကစလို့ တည်ရှိနေသည့် နတ်ဝိဇ္ဇာရှစ်ပါးအကြောင်း ပါရှိသည့် စာအုပ်ဖြစ်သည်။ ယခင်က သူလိုကိုယ်လို ပုဂ္ဂိုလ်များသာ ဖြစ်သော်လည်း ‘တောက်ဝါဒ” ကျင့်စဉ် တို့ကို ကျင့်ကာ ထွက်ရပ်ပေါက် ဝိဇ္ဇာဓိုရ် သိဒ္ဓိရှင်အဖြစ် ရောက်သွားပုံ၊ ‘မသေ’ ‘အမတ’ ‘ထာဝရအသက်’ အထူးထူးသော စွမ်းအင်တို့ကို ပိုင်ဆိုင် သူများအဖြစ်သို့ မည်သို့ကူးပြောင်းသွားခဲ့ကြပုံများကို စိတ်ဝင်စားဖွယ် ဖတ်ရှုကြရမည် ဖြစ်သည်။ နောက်ဆက်တွဲအနေဖြင့် ရာဇဝင်ထဲမှ ထူးခြားသော ထူးထူးခြားခြား မြန်မာ၊ တရုတ်ဧကရာဇ်မင်း များအကြောင်းကိုလည်း မှတ်တမ်းတင် ရေးသားထားသည်။