၁၉၄၈ ခုနှစ်မှ ၂၀၀၂ ခုနှစ်အတွင်း မြန်မာနိုင်ငံ လူထုပညာရေး (စာတတ်မြောက်ရေး) ကြိုးပမ်းလှုပ်ရှားမှုများကို မှတ်တမ်းတင် ရေးသားထားသော စာအုပ်ဖြစ်သည်။ မြန်မာနိုင်ငံနှင့် အာရှ နိုင်ငံများ စာမတတ်သူပမာဏ နှိုင်းယှဉ်ချက်၊ ကိုလိုနီခေတ် မြန်မာစာပေထွန်းကားပြန့်ပွားရေး လုပ်ဆောင်ချက်၊ သက်ကြီးပိုင်း စာမတတ်သူ ပပျောက်ရေးအတွက် တက္ကသိုလ်ကျောင်းသားများ အပါအဝင် ဆရာ၊ ဆရာမ နှစ်သိန်းကျော်ဖြင့် လုပ်ဆောင်ခဲ့သည့် “အ” သုံးလုံးသင်တန်းများ အကြောင်း၊ ၎င်းအပြင် စာတတ်မြောက်ရေးနှင့် ပတ်သက်၍ ခေတ်အဆက်ဆက် ကြိုးပမ်း ဆောင်ရွက်မှုများ၊ လူထုကို မည်သို့ စည်းရုံးလှုံ့ဆော်ခဲ့ပုံ၊ သက်ကြီးများကို စာသင်ရာတွင် ချဉ်းကပ်ပုံ နှင့် သင်ကြားနည်းစနစ်၊ “အ” သုံးလုံးသင်တန်းနှင့် ပတ်သက်သည့် ‘ဘယ်သူပြိုင်လို့ လှပါတော့နိုင်’ ဇာတ်ကားကြီး ဖြစ်ပေါ်လာပုံ၊ ထိုသို့လုပ်ဆောင်မှုများကြောင့် ယူနက်စကိုမှ ချီးမြှင့်သည့် မိုဟာမက် ရေဇာပါလာဗီဆုနှင့် နိုမာဆုများကို လက်ခံရရှိခဲ့ပုံများကို စာအုပ်တွင် အသေးစိတ် မှတ်တမ်းတင် ရေးသားထားသည်။